Një video tjetër demonstron se çfarë mund të bëjë softueri i plotë i vetë-drejtimit të Teslas.

Prodhuesi i makinave elektrike Tesla së fundmi u dha klientëve të përzgjedhur versionin beta të autopilotit të saj “Full Self-Driving” (FSD). Që nga ajo kohë, janë publikuar video të shumta që tregojnë autopilotin në veprim, transmeton Telegrafi.

Aksidentet që janë afër të ndodhin janë pjesë e saj. Një shtesë e fundit në koleksionin e videove hyn në kategorinë e fundit, siç raportohet nga electrek.

Një video e publikuar në YouTube nga “Dirty Tesla” tregon se si programi beta njeh një dre në rrugë nga një distancë e gjatë, ngadalëson shpejtësinë dhe Modeli 3 i shmanget kafshës.

Do të duhet pak kohë para se paketa e plotë e vetë-drejtimit të jetë në dispozicion për të gjithë drejtuesit e Tesla-s dhe do të varet gjithashtu nga ligjet përkatëse të vendeve të ndryshme.

Në çdo rast, drejtuesit e provës janë të detyruar të mbajnë nën vëzhgim atë që po ndodh në rrugë në mënyrë që ata të mund të ndërhyjnë në rast urgjence.