Gjiganti i Serie A e dëshiron në formë huazimi holandezin me opsionin e blerjes.
Juventus është duke e monitoruar situatën e Donny van de Beek te Manchester United.
Holandezi vazhdon të presë për të fituar një vend në 11-she, s’ka startuar në Premierligë që kur u transferua nga Ajaxi afatin kalimtar të verës.
Tashmë ai mund të jetë duke e menduar largimin nga ‘Old Trafford’ dhe sipas CalcioMercato, Juve do të tentojë ta ribashkojë me Matthijs de Ligt.
‘Zonja e Vjetër’ e dëshiron atë në formë huazimi me të drejtën e blerjes për 35 milionë euro. /Gazeta Express/
