Veterani i sulmit ka shkëlqyer në fillim të sezonit në kampionatin italian duke i realizuar 7 gola në katër ndeshje, ndërsa e ka edhe një asistim

Sulmuesi suedez, Zlatan Ibrahimovic është zgjedhur lojtari më i mirë i muajit tetor në Serie A.

39-vjeçari është duke treguar paraqitje mbresëlënëse pavarësisht moshës.

Në katër ndeshje të luajtura, Ibra ka arritur t’i shënojë shtatë gola dhe të asistojë një herë, raporton Gazeta Express.

Së bashku me klubin e tij, Milan, janë kryesues të tabelës në Serie A, të cilët prijnë me 16 pikë, dy më shumë se sa vendi i dytë.

Të dielën Milani do ta presë në shtëpi skuadrën e Veronës, ndeshje kjo e xhiros së shtatë.

“Rossoneri” i dhanë fund serisë prej 24 ndeshjesh pa humbje të enjten pas humbjes në shtëpi nga skuadra franceze, Lille me rezultat 0-3.