BMW ka publikuar fotografi të reja të sedanit premium sportiv.

Bavarezët prezantuan veturën e re të rifreskuar M5 në qershor, dhe tani kemi mundësinë të shohim fotografi të freskëta, të bëra në Mbretërinë e Bashkuar, transmeton Telegrafi.

BMW ka zgjedhur një automjet të kuq për xhirimin promovues, i cili thekson më tej karakterin sportiv të veturës.

Kujtojmë, se kjo makinë ka një motor benzinë ​​4.4 litërsh V8 twin-turbo me 625 kuaj fuqi dhe 750 Nm.

Njësia është e lidhur me një automatik me 8 shpejtësi, dhe fuqia transmetohet në të 4 rrotat.

Shoferi mund të zgjedhë midis mënyrave të ngasjes 2WD, 4WD dhe 4WD Sport.

Kjo veturë, shpejtësinë nga 0 në 100 km/orë e arrin në vetëm 3.3 sekonda.

Shpejtësia maksimale është e kufizuar në mënyrë elektronike në 250 km/orë, por me paketën opsionale M Driver kufiri zhvendoset në 305 km/orë.