Presidentja e Republikës së Kosovës, Atifete Jahjaga, në fund të mandatit të saj ka vendosur ta shpenzojë një shumë të konsiderueshme të parave të buxhetit për blerje të valixheve dhe çantave zyrtare.
E para e shtetit, Atifete Jahjaga, i ka dhënë tender në vlerë prej 6,332 euro kompanisë ‘Rialko-R’ për ta furnizuar me valixhe dhe çanta zyrtare.
Tenderi nuk ka qenë i hapur, por është dhënë nëpërmjet kuotimit(negociimit) të çmimit.
Nënshkrimi i kontratës për këtë tender planifikohet të ndodhë më 16 nëntor 2015, raporton ‘Infokusi’.
Përndryshe, në prill të vitit 2016 i skadon mandate pesëvjeçar Jahjagës.
Në vend të saj, pritet të zgjidhet kreu i PDK-së, Hashim Thaçi, sipas marrëveshjes së koalicionit me LDK-në.
Klikoni këtu për ta shikuar tenderin:
