Volkswagen prezantoi sot zyrtarisht ID.4. Është vetura e parë elektronike nga prodhuesi gjerman që shitet në të gjithë botën.
E-SUV i VW duhet të fillojë shitjet në fillim të vitit 2021 dhe do të vijë në dy modele.
I pari vjen me një bateri 52 kWh, e cila duhet të lejojë një distancë prej 340 kilometrash. Mund të karikohet me maksimum 100 kW. Ndërsa modeli i dytë ka një bateri shumë më të fuqishme me 82 KWh. Këtë mund ta karikoni deri në 125 kW. Pas 30 minutash mund të udhëtoni 320 kilometra, transmeton Telegrafi.
Modeli i parë ka 204 kuaj fuqi, kurse modeli i dytë zhvillon 306 kuaj fuqi.
Volkswagen zbuloi brendësinë e SUV disa javë më parë. Edhe pse ID.4 është pak më e shkurtër se Tesla Model Y me një gjatësi të jashtme prej 4.58 metrash, VW SUV ka rreth 6 centimetra më shumë hapësirë të brendshme. Një ekran 12 inç me të cilin mund të funksionojë sistemi multimedial është i bashkangjitur në konsolën qendrore. Mund të operohet gjithashtu përmes zërit dhe kontrollit të gjestit.
Pjesa e brendshme e ID.4 është e pajisur me një shirit të dritës, “ID-Light”, i cili tregon efekte të dritës kur frenoni ose ktheni. Kur sistemi i navigimit po tregon majtas, një tregues i dritës do të ndriçojë gjithashtu në të majtë.
Në Gjermani, ID.4 1 do të jetë në dispozicion nga një çmim fillestar prej 49,950 euro, por shkon deri në 59,950 euro. /Telegrafi/
