Mbyllja e shkollave nga fillimi I pandemisë këtë vit mund të jetë opsioni i vetëm për të parandaluar përhapjen e virusit covid-19. Ndonëse është dhënë një datë për fillimin e vitit të ri shkollorë, asgjë nuk është e sigurtë për ministrin e Shëndetësisë Armend Zemaj.

Sipas Zemajt, vendimi përfundimtarë për nisjen ose jo të vitit të ri shkollorë do të merret në ditët në vazhdim, pas një rivlerësimi nëse Kosova është e gatshme plotësisht të hap dyert për shkollat.

“Unë jam i detyruar që të merrem me pjesën e ruajtjes së shëndetit publik dhe të vlerësimit të situatës epidemiologjike.

Në kuadër të kësaj ne do të vlerësojmë, pavarësisht që mund të kemi përgaditjet më të mira, në bazë të situatës ne do të vlerësojmë të filloj fillimi I vitit shkollorë.

E kemi një datë të paracaktuar, bashkërisht me ministrinë e Arsimit, por deri atëherë ne do të duhet të jemi të sigurtë edhe për përgaditjet por dhe në vlerësim të situatës e cila na obligon të jemi shumë të kujdesshëm në këtë drejtim” – ka thënë Zemaj për “Indeks-Intervistë”. Data e paralajmëruar për nisjen e vitit të ri shkollor është 14 shtator.