Mundësitë e përditësimeve në X5, X6 dhe X7 tani do të jenë shumë më të mëdha
Të gjithë ata që kanë dashur të blejnë një nga makinat kryesore SUV nga BMW, tani kanë një arsye më shumë, që të zgjedhin ndonjërën prej tyre, transmeton Telegrafi.
Përditësimet e shumta që do t’i pësojnë këto modele, bëjnë që të jenë në nivel me makinat e reja që janë në treg, pa pasur nevojë që të pritet për gjeneratën e re të këtyre modeleve.
Shumë mundësi për personalizim, tapiceri të reja, shtesa të konsiderueshme në pjesën e përparme, si dhe ndryshime në ngjyrat e jashtme dhe të brendshme. Këto janë disa prej përditësimeve kryesore, që do t’i pësojnë modelet X5, X6 dhe X8, brenda një kohe të shkurtër.
Mjafton të paguhen 1,500 euro dhe sistemi i infoteitment në këto makina të jetë i ri, si dhe rrota me 22 inç, që e bëjnë lëvizjen shumë më praktike.
Si pjesë e këtyre ndryshime, BMW do të sjellë edhe karrige të reja nga lëkura, teksa i njëjti material i mbështjellë edhe pjesët e brendshme anësore.
Deri më tani, është bërë e ditur se BMW X7 M, nuk do të ketë përditësime shtesë, ndërsa është mësuar se në të ardhmen e afërt do të lansohet edhe X8 i ri shumë më luksoz. /Telegrafi/
