Majdanozi kryesisht përdoret në kuzhinë dhe thjesht preferojmë ta shtojmë në supa e në sallata.

Majdanozin mund ta konsumojmë thuajse çdo ditë, por në sasi të vogla, transmeton Telegrafi.

Megjithatë, ekspertët kanë bërë të ditur edhe një fakt tjetër interesant për majdanozin: është i mahnitshëm për humbje të peshës!

Dr. John Christopher është një prej mjekëve më të njohur që vërtet i njeh vetitë shëruese të perimeve.

Ai iu këshillon pacientëve të konsumojnë majdanoz çdo ditë që të kenë shëndet sa më të mirë të tërë trupit.

Doktori po ashtu tregon se majdanozi është ilaçi më i mirë natyral për sëmundjet e veshkave.

Por, edhe nëse nuk keni fare probleme mjekësore, majdanozin mund ta shtoni në ushqim për të humbur peshë.

Mënyra më e mirë për ta bërë këtë është duke përgatitur çaj majdanozi dhe për ta konsumuar atë përgjatë ditës. Në këtë mënyrë mund t’i humbni 2 kilogramë për 2 ditë.

Veç kësaj, me ndihmën e këtij çaji ju do t’i largoni të gjitha toksinat nga trupi.

Receta: Shtoni pesë lugë gjelle majdanoz të prerë në një litër ujë të vluar. Mbulojeni tiganin dhe lëreni për 20 minuta. Ja pra, kaq e thjeshtë është.

Ky çaj i trajton të gjitha problemet e veshkave dhe ato të urinës sepse i eliminon bakteret, lëngjet e akumuluara, substancat toksike, etj.

Megjithatë, vlen të ceket se rekomandohet t’i pini vetëm 2-3 gota të këtij çaji në ditë. /Telegrafi/