Kompania gjermane BMW ka bashkuar forcat me gjigantin anglez Surrey NanoSystems për realizimin e një projekti unik – bëhet fjalë për një BMW VB X6 e cila do të jetë e lyer me ngjyrën speciale “Vantablack” që është një material i i njohur si Vantalblack, ku nanotubat përdoren për të krijuar lëndën më e zezë në planet, që thith rreth 99.6% të dritës që sheh syri i njeriut, shkruan Verge.
Kjo veturë pritet të prezantohet në panairin e veturave në Frankfurt, ku BMW do t’i mahnit të gjithë me gjeneratën e tretë të X6 që do të mbulohet plotësisht nga kjo ngjyrë. Ky material që ndryshe njihet si VBX2, jo vetëm që është një e zezë e veçantë, por i jep edhe një lloj pasqyrimi mbi sipërfaqe duke e bërë kështu të përshtatshme për çdo lloj veture, transmeton Telegrafi.
Sipas themeluesit të Surrey NanoSystems, Ben Jensen, kjo ngjyrë i lejon syrit dhe trurit të njeriut të procesoj informata më të “thella”, ku Vantablack e bën X6 e ri të duket dydimensional. Sidoqoftë një gjë është e sigurtë se ky X6, do t’ua tërheq vëmendjen adhuruesve të veturave në Frankfurt që do të shkojnë të shohin nga afër markat e tyre të preferuara.
Ndërkaq sipas dizajnerit të X6 të ri, Hussein Al-Attar, gjithmonë kishte ëndërruar që “kryevepra” e tij ta ketë një ngjyrë unike, me qëllim që ngasësit të ndihen tejet të kënaqur derisa rrëmbejnë vëmendjen e kalimtarëve të rastit kur ata kalojnë nëpër rrugë të lagjes me X6 e ri. /Telegrafi/
