Dita Ndërkombëtare e të Pagjeturve edhe sot do të përcillet me protesta nga shoqata e familjarë të të zhdukurve në luftën e fundit në Kosovë, të cilët janë të pakënaqur me punën që institucionet e vendit kanë bërë deri tani, shkruan sot gazeta Zëri.

Edhe 20 vjet pas luftës së fundit në Kosovë mbi 1600 persona figurojnë në listat e të pagjeturve.

Prenk Gjetaj, kryetar i Komisionit Qeveritar për të Pagjeturit, ka thënë për “Zërin” se në evidencat e këtij komisioni figurojnë 1653 persona të pagjetur, derisa ka theksuar se dita ndërkombëtare e të pagjeturve në Kosovë duhet të shënohet për të sensibilizuar opinionin vendor dhe ndërkombëtar që të vazhdohet puna në ndriçimin e fatit të të gjithë atyre personave që ende nuk e dimë se ku gjenden.

Ai ka treguar se gjatë këtij viti janë zhvilluar 19 aktivitete gërmuese, ku ka pasur pak trupa të gjetur, të cilët ende nuk është e sigurt se i takojnë luftës së fundit….