Kryesia e Bashkësisë Islame të Kosovës ka bërë gjitha përgatitjet për nisjen e haxhinjve drejt vendeve të shenjta.

Nëpërmjet një postimi në rrjetin social Facebook BIK-u njofton se për kryerjen e Haxhit janë 1080 besimtarë.

Ndërsa ditë më herët KBI Lipjan ka bërë me dije se 40 persona do të jenë nga Komuna e Lipjanit që do të udhëtojnë për Haxh

“Kryesia e Bashkësisë Islame të Kosovës, gjegjësisht Drejtoria e Haxhit ka bërë të gjitha përgatitjet për nisjen e haxhinjve të Kosovës drejt vendeve të shenjta për të kryer një nga pesë kushtet e fesë Islame, haxhin. Fitim ef. Gashi nga Drejtoria e Haxhit tha se në këtë vit nën organizimin e Kryesisë së BIRK-ut për vende të shenjta për të kryer haxhin do të udhëtojnë 1.080 besimtarë, në mesin e të cilëve 370 janë gra.”

Në njoftim thuhet se grupi i parë do të nisen më 31 korrik, dhe grupet e tjera më 1, 2 dhe 3 gusht.

“Grupi i parë i haxhinjve do të nisen nga Prishtina më 31 korrik, për të vazhduar pastaj me datë 1, 2 dhe 3 gusht kur do të niset edhe ekipi i fundit i haxhinjve drejt vendeve të shenjta.”

Sipas Bashkësisë Islame çmimi është 4150 euro.