Vitamina C është e rëndësishme për sistemin e imunitetit dhe trupit i nevojitet sasi e mjaftueshme e kësaj vitamine në mënyrë që t’i parandalojë sëmundjet dhe çrregullimet e ndryshme shëndetësore.

Statistikat tregojnë se një pjesë e madhe e njerëzve nuk marrin mjaftueshëm vitaminë C, transmeton Telegrafi.

Për të parë nëse keni mungesë të kësaj vitamine, më poshtë ju sjellim disa prej shenjave të hershme që e tregojnë këtë:

Flokë të dobëta

Vitamina C i forcon flokët dhe rrënjët. Mungesa e kësaj vitamine rezulton në flokë më të dobëta dhe më të thara.

Sasi adekuate në anën tjetër e promovon rritjen e flokëve dhe e rritë absorbimin e hekurit.

Gjakderdhje të hundës

Merrni mjaftueshëm vitaminë C për t’i forcuar kapilarët.

Hunda është e mbushur me shumë enë të vogla të gjakut dhe çdo mungesë e kësaj vitamine mund të shpie në gjakderdhje nga hunda.

Mavijosja e lëkurës

Mungesa e vitaminës C i dobëson kapilarët, prandaj lëndimet më të vogla mund të shpijnë në mavijosje të lëkurës.

Shërim më i ngadaltë i plagëve

Merrni sasi të mjaftueshme të vitaminës C për ta shpejtuar procesin e shërimit të plagëve sepse kjo vitaminë i forcon indet lidhëse dhe i riparon indet. /Telegrafi/