Kancelarja gjermane Angela Merkel dhe kryeministrja daneze Mete Frederiksen qëndruan sot ulur gjatë intonimit të himnit në Berlin, një ditë pasi Merkel pësoi dridhje në ceremoni të ngjashme.
Ajo nuk tregoi asnjë shenjë të shëndetit të keq sot, por ishte ulur me një mysafir para ndërtesës së Qeverisë në Berlin, e cila është gjithashtu e pazakontë kundër protokollit gjatë nderimeve ushtarake dhe shtetërore.
Merkel dje pësoi dridhjen e tretë derisa qëndronte me kryeministrin e Finlandës, Antti Rinne.
Po ashtu, kancelarja gjermane nuk ishte mirë më 27 qershor, kur ajo qëndronte pranë presidentit gjerman Frank-Walter Steinmeier në një ceremoni për të emëruar një ministër të ri të Drejtësisë. Merkel atëherë iu ofrua një gotë ujë që ajo e refuzoi.
Koelner Stadt-Anzeiger: Angela Merkel duhet t’u përgjigjet pyetjeve rreth shëndetitPas gjysmë ore Merkel erdhi në parlament dhe dukej mirë. Pothuajse e njëjta skenë u zhvillua ndërsa Merkel e mirëpriti presidentin e Ukrainës Volodimir Zelensky njëmbëdhjetë ditë më parë.
Merkel qëndroi pranë Zelensky në diell, ndërsa grupi ushtarak luajti himnet e Gjermanisë dhe Ukrainës kur ajo filloi të dridhej.
Ajo ka thënë se ndihet mirë me shëndet dhe se gjëra të tilla “vijnë e shkojnë”. /KP/Telegrafi/
