Një person ka mbetur i vdekur pas një aksidenti mes tri veturave që ka ndodhur sot në rrugën nacionale Prishtinë-Ferizaj, përkatësisht në vendin e quajtur Konjuh, shkruan Gazeta Metro.

Rastin për Gazetën Metro e ka konfirmuar edhe zëdhënësi i policisë, Daut Hoxha, i cili ka thënë se personi në fjalë ka ndërruar jetë në QKUK, ndërsa disa të tjerë po vazhdojnë trajtimin atje.

“Ju njoftoj se me datën 08.07.2019 rreth orës 17:00 në rrugën Prishtinë-Ferizaj ka ndodhur një aksident trafiku rrugor mes tri veturave, Opel Vektra, BMË dhe Kamionet Mercedes. Nga vendi i ngjares për në QKUK janë përcjell disa persona të lënduar, ku një prej tyre ka ndërruar jetë”, ka thënë Hoxha.

Ai tutje ka apeluar tek të gjithë drejtuesit e automjeteve t’i respektojnë rregullat në trafik, në veçanti të përmbahen në shpejtësinë e lejuar.

Kujtojmë se rreth 5200 aksidente në komunikacion janë regjistruar në Kosovë, vetëm gjatë periudhës janar-maj të këtij viti, me ç’rast kanë humbur jetën 37 jetën.

Veç kësaj shifra shqetësuese me numrin e të vdekurve janë regjistruar në dy vitet që lam pas, ku vetëm gjatë 2018’tës, vdiqën mbi 100 persona në aksidente trafiku