Më së miri është që çdo gjë që ju mbetet nga dreka ta hidhni

Këshilli Evropian i Ushqimit paralajmëron që nuk është mirë të ringrohen ushqimet e përgatitura paraprakisht, transmeton Telegrafi.

Kjo mund të shkaktojë pasoja të padëshiruara, madje edhe për shkak të faktit që disa lloje bakteresh shumë shpejt shumohen në temperaturë dhome nga 5 deri në 65 gradë Celsius.

Si rezultat i kësaj, shtohet rreziku nga helmimi me ushqim dhe shfaqja e problemeve të ndryshme me tretjen, siç janë fryrja, ngërçet, krijimi i gazrave.

Shumica nuk e dinë cili produkt nuk bën të ringrohet, prandaj kemi bërë listën e ushqimit të cilin nuk bën ta rivendosni në pllakë shporeti:

1. Orizi

Nëse orizin sërish ia ekspozoni temperaturave të larta mund të shkaktojë helmimin me ushqim. Është ideale të hani orizin menjëherë pas përgatitjes, dhe assesi ta lini në frigorifer dhe sërish ta hani pas 24 orësh.

2. Patatet

Pas ringrohjes së patateve shumë cilësi të saj humben, ndërsa, veç kësaj, kjo perime ka edhe substancat të cilat mund të shkaktojnë simptoma të ngjashme me helmimin kur sërish i ringrohen.

3. Selinoja

Edhe pse shumica e njerëzve selinon e hanë të freskët, ata të cilët e përgatisin në temperatura të larta duhet të dinë patjetër që nuk bën ta ringrohin, sepse rrezikojnë të helmohen. Është fakt që selinoja përmban nitrate, të cilat, nën ndikimin e nxehtësisë janë jashtëzakonisht të dëmshme për shëndetin. Në përqendrime të mëdha mund të shtojnë rrezikun nga kanceri.

4. Panxhari i kuq

Nutricionistët rekomandojnë përdorimin e panxharit të freskët i cili është antioksidant i shkëlqyeshëm, përmban minerale dhe vitamina të rëndësishme. Mirëpo, panxhari i zier i cili ringrohet, mund t’jua shkatërrojë dukshëm organizmin.

5. Mishi i pulës

Për shkak të salmonelës, rekomandohet konsumimi i mishit të pulës të përpunuar termikisht mirë. Kur mishi i pulës ringrohet dhe pastaj hahet, mund të shkaktojë irritim të lukthit. /Telegrafi/