Public Organization for Local Initiatives and Supports – POLIS ka shkruar se qëllim të ofrimit të shërbimeve sa më afër për fëmijët me nevoja të veçanta, Qendra SMILE, duke pasur në ekip Punëtorën Sociale, Psikologen dhe Fizioterapeuten, ofrojnë shërbimin e nevojshëm për këtë kategori të fëmijeve. Ofrimi i këtij shërbimi ka për qëllim të kontribuoj në përmirësimin e gjendjes emocionale dhe socializimin e kësaj kategorie të fëmijëve.
“Projekti Shërbime sociale cilësore për jetë dinjitoze për fëmijët në nevojë është financuar në kuadër të Projektit “Mbështetje për Shërbime më të mira Sociale” që financohet nga Bashkimi Evropian në Kosovë, bashkë-financohet nga Agjencia Suedeze për Zhvillim dhe Bashkëpunim Ndërkombëtar (SIDA), si dhe mbështetet nga Save the Children në Kosovë në bashkëpunim me Qendrën Evropiane për Politika dhe Hulumtime për Mirëqenie Sociale”, ka shkruar POLIS.
“Shërbimet e ofruara për fëmijët me nevoja të veçanta në kuadër të Qendrës SMILE mbështeten edhe në kuadër të projektit “Shërbime cilësore që fëmijët më aftësi të kufizuara të jenë të shëndetshëm” që përkrahet financiarisht nga Ministria e Shëndetësisë së Republikës së Kosovës”, thuhet në fund.
