Kryetari i Komunës Imri Ahmeti ka pritur përfaqësuesit e Zyrës Zvicrane për Zhvillim dhe Bashkëpunim të kryesuar nga drejtori Patrick Etienne me bashkëpunëtorë.
Gjatë këtij takimi është diskutuar lidhur me rëndësinë e projektit DEMOS në të cilin Komuna e Lipjanit ka qenë njëra ndër komuna e para partnere ku ka qenë përfituese nga ky projekt, njofton Komuna.

Kryetari Imri Ahmeti ka falenderuar qeverinë zvicrrane konkretisht projektin DEMOS lidhur me projektet e realizuara në Komunën e Lipjanit, duke thenë se qytetarët e Lipjanit u janë mirënohës DEMOS-it lidhur me implementimin e projekteve të deritanishme por duke shpresuar edhe në bashkëpunime tjera.
Po ashtu gjatë këtij takimi është biseduar edhe për sfidat e qeverisjes lokale gjegjësisht në implementimin e projekteve, thuhet tutje.