Ky testim i armëve erdhi në kohën kur tensionet mes Iranit dhe Shteteve të Bashkuara të Amerikës janë rritur. Irani më parë ka kërcënuar se do ta bllokojë qarkullimin e anijeve në Ngushticën e Hormuzit, e cila paraqet rrugë të rëndësishme ujore përmes Gjirit Persik.

Agjencia shtetërore e lajmeve ka raportuar se testimi i raketës së llojit “Ghadir” përmes një nëndetëse ushtarake është kryer në mënyrë të suksesshme. Rrezja e veprimit të kësaj rakete nuk është bërë e ditur. Sidoqoftë, është raportuar se kjo është hera e parë që Irani lëshon raketë testuese nga nëndetësja.

Irani shpesh deklaron se ka bërë zgjerim të kapaciteteve ushtarake. Sidoqoftë, këto njoftime janë sfiduar nga ekspertët perëndimorë, të cilët thonë se ky shtet i zmadhon aftësitë ushtarake për qëllime të propagandës, shkruan “Free Europe”, transmeton Gazeta Express.