Katarakti si dhe ndryshimet gjenerative në sy ndoshta nuk mund të evitohen, por mund të ngadalësohen. Vitamina A, vitamina C, vitamina E, zinku, luteina, betakaroteni dhe acidet yndyrore omega 3 kanë rol të rëndësishëm në ruajtjen e shikimit njerëzor. Këshillohet që sa më pak të mbështeteni në shtesat e vitaminave në formë të tabletave të ndryshme. Ne ju sjellim top pesë ushqimet për ruajtjen e shëndetit të syve tuaj

Lëngu i portokallit 

Vitamina C nga portokalli vepron pozitivisht në shëndetin e syve. Përmirëson presionin e syve dhe zvogëlon rrezikun e paraqitjes së sëmundjeve të ndryshme të syve, siç është katarakti. Me marrjen e 500 mg në ditë të vitaminës C mund të ngadalësojë përparimin e degjenerimit makular senil për 25 për qind dhe humbjes së mprehtësisë së shikimit për 19 për qind, te personat me nivel të lartë të rrezikut. Dy gota lëng portokalli ju sigurojnë sasi të mjaftueshme të vitaminës C.

Midhjet

Ky ushqim është burim i shkëlqyeshëm i zinkut, mineralit të domosdoshëm për shëndetin e syve. Zinku mundëson vitaminën A që të prodhojë pigmentin melanin, i cili mbron sytë dhe i cili është i lidhur me shikimin e përmirësuar gjatë natës. Sugjerohen 40 deri 80 mg zink në ditë.

Lakra

Ky lloj perimesh është i pasur me luteinë dhe zeaksantin, antioksidues të cilët gjenden në sytë tuaj. Këta antioksidues mbrojnë sytë nga radikalet e lira të dëmshme dhe përthithin 40 deri 90 për qind të dritës së kaltër intensive. Ngrënia e lakrës rrit dendësinë e pigmenteve.

Kikirikët

Vitamina E dhe omega 3 janë përbërësit kyçë të kikirikëve. Vitamina E është dëshmuar se mbron nga katarakti dhe degjenerimi makular senil.

Kinoa

Ushqimet me indeks të ulët glikimik, siç janë kindat, zvogëlojnë rrezikun nga degjenerimi makular senil për 8 për qind. Përfshini në ushqim drithërat./ZËRI