Janë pamjet e para të modelit nga BMW, që do të rivalizojë me Tesla Model 3 kur të lansohet në vitin 2021
Tash e një kohë, dihet se BMW është duke punuar në linjën e makinave elektrike prej nga do t’i nxjerrë 12 modele të reja deri në vitin 2025, përfshirë edhe iNext dhe iX3, transmeton Telegrafi.
Spiunët që merren me makinat e reja, kanë arritur ta kapin për herë të parë sedanin elektrik BMW i4, që ka filluar përgatitjet për të rivalizuar me Tesla Model 3.
Prototipi i kamufluar ishte duke u transportuar, i mbështjellë me shtresën për kamuflazh, megjithatë vërehej se nuk ka dizajn futuristik si i8 dhe i3. Ngjanë më së shumti me 4 Series Gran Coupe, se sa një makinë me katër dyer i4.
Kjo edhe konfirmon deklaratat e mëhershme, se BMW i4 do të jetë shumë më i thjeshtë, që t’i përshtatet sa më shumë masës së popullit. Meqenëse 4 Series Gran Coupe ka dalë te jetë shumë i suksesshëm, atëherë do të ishte një kërcënim i madh për Tesla.
Thuhet se BMW i4 të ketë autonomi prej 700 kilometrash, si dhe shpejtësi prej zeros deri në 100 kilometra në orë, më të lartën prej makinave të ngjashme. /Telegrafi/
