Sot, grupi “HOPE” Lipjan zhvilluan aktivitetin në kuadër të iniciativës “Një Dhuratë për Ty”.
Aktiviteti tyre i sotëm u organizua në pesë fshatra të komunës së Lipjanit: Janjevë, Sllovi, Gadime, Gumnasellë dhe Gllogovc.

Në kuadër të këtij aktiviteti u shpërndan 200 dhurata për 200 fëmijë të kategorive të ndryshme.
“Falënderimet për këtë aktivitet i’u dedikohen të gjitha bizneseve lipjanase të cilat kontribuan sadopak për realizimin e këtij aktiviteti. Falënderime edhe për KAM Market si dhe agjensionin turistik “Anisa Travel” që na mundësuan transportin për shpërndarjen e këtyre dhuratave,”, thuhet në njoftimin e tyre.
“Që nga formimi i tij Grupi “HOPE” gjeti përkrahjen nga të gjithë qytetarët duke e vlerësuar si një iniciativë e marrë me vend dhe shembull për të tjerët”, thuhet tutje.