Numri i viktimave, pjesëtarë të forcës së sigurisë së Afganistanit, nga viti 2015 ka shkuar në rreth 29,000. Kështu ka bërë të ditur, presidenti afgan, Ashraf Ghani, duke shpalosur një shifër shumë më të madhe se sa ishte bërë e ditur më herët nga autoritetet.
Ghani tha se që nga viti 2015, kur forcar afgane dhe policia morrën përgjegjësinë për sigurinë e vendit pas tërheqjes së pjesshme nga trupat e NATO-s, “28,529 pjesëtarë të sigurisë humbën jetën për lirinë tonë”.
Në të njejtën periudhë u vranë edhe 58 amerikanë, shtoi ai.
“Do të doja ta përshëndes patriotizmin e forcave afgane, secilit nga ata që ka qenë vullnetar”, tha Ghani.
Qeveria afgane më parë kishte ofruar shifra të incidenteve të përplasjeve në mes militantëve dhe forcave afgane, por asnjëherë nuk është bërë e ditur se numri i viktimave mund të jetë kaq i madh.
Në një incident vitin e kaluar, pas një sulmi nga talibanët në provincën Balkh, kishin mbetur të vdekur 130 pjesëtarë të sigurisë.
Shifrat e mëhershme që ishin deklaruar nga autoritetet ishin rreth 5,000 viktima dhe rreth 15,000 mijë të plagosur./rel
