Gordimer është autore e mbi 30 librave ndërsa publikoi historinë e parë të shkurtër kur ishte vetëm 15 vjeçe. Gjatë karrierës së saj shkroi romane dhe histori të shkurta me temë aparteidin, azilin dhe alienimin. Njihet si shkrimtare e ndjeshme, e përkushtuar për kulturën e e vendit të saj, në kërkim të demokracisë.
Autorja nga Afrika Jugore, Nadine Gordimer, ka vdekur në moshën 90 vjeçare në Johanesburg.
Fituesja e çmimit Nobel për letërsi ka ndërruar jetë pas një sëmundje të shkurtër, duke lënë prapa vetes një vepër të paharrueshme, si në art, ashtu edhe në politikë.
Ajo fitoi çmimin “Booker” në vitin 1974 për librin “The Conservationist”, ndërsa çmimin Nobel për letërsi e mori në vitin 1991.
Gordimer është autore e mbi 30 librave ndërsa publikoi historinë e parë të shkurtër kur ishte vetëm 15 vjeçe. Gjatë karrierës së saj shkroi romane dhe histori të shkurta me temë aparteidin, azilin dhe alienimin. Njihet si shkrimtare e ndjeshme, e përkushtuar për kulturën e e vendit të saj, në kërkim të demokracisë.
Disa prej librave më të njohura të Gordimer janë “My Son’s Story”, “Burger’s Daughter”, “July’s People”, “The Late Bourgeois World”, “ Burger’s Daughter”, si dhe e fundit, e botuar në vitin 2012 “No Time Like the Present”.
Ajo ishte ndër zërat më të fuqishëm në botë kundër aparteidit, mike e ngushtë e Nelson Mandelas. Gordimer ishte anëtare e Kongresit Kombëtar të Afrikës dhe luftoi gjatë për çlirimin e të ndjerit Nelson Mandela. /KultPlus.com