A keni marrë pjesë ndonjëherë në një koncert me muzikë live, i cili ka qenë aq magjepsës saqë iu është rrëqethur trupi?

Nëse po, atëherë kjo mund të jetë shenjë se ju jeni të prirë ta jetoni një jetë të lumtur, të shëndetshme dhe të arrini shumë, transmeton Telegrafi.

Përgjatë verës, një studim i kryer në festivale të ndryshme ka eksploruar lidhjen mes rrëqethjes së trupit dhe gjendjes shëndetësore dhe personalitetit të personit.

Ekipi hulumtuesit ka zbuluar se personat të cilët përjetojnë rrëqethje të trupit janë më të prirë të kenë lidhje më të forta më tjerët, të kenë sukses më të madh akademik dhe të gëzojnë shëndet më të mirë se tjerët.

Ndër tjerash, studimi ka konstatuar se 55% e britanikëve janë të prirë të përjetojnë rrëqethje trupi gjatë një performance live, ku kryesisht rrëqethja shfaqet gjatë minutës së parë. /Telegrafi/