Personat të cilët çdo ditë hanë një grusht arra kanë rrezik më të vogël për prani të faktorëve të lidhur me sëmundjen nga diabeti i tipit 2, është rezultat i hulumtimit më të ri.

Në bazë të hulumtimit në të cilin kanë marrë pjesë më shumë se 34.000 persona të rritur nga Amerika, është treguar që me konsumimin e arrave çdo ditë mund të zvogëlohet probabiliteti që të sëmureni nga ky tip i diabetit, transmeton Telegrafi.

Derisa konsumimi mesatar ishte 1,5 lugë në ditë, pjesëmarrësit e studimit të cilët çdo ditë kanë konsumuar tri lugë arra kanë pasur rrezik më të vogël për 47 për qind nga zhvillimi i diabetit të tipit 2.

“Lidhja të fuqishme të cilën e shohim në këtë studim midis konsumuesve të arrave dhe zvogëlimit të rrezikut për shfaqje të diabetit të tipit 2 është edhe një arsye shtesë përse duhet të përfshijmë arrat në ushqim”, shpjegon doktori dhe autor i studimit Lenor Arabar.

Hulumtimet e tjera kanë treguar që arrat gjithashtu mund të jenë të dobishme për funksionin kognitiv dhe për shëndetin e zemrës.

Arrat janë burim i shkëlqyeshëm i thartirave yndyrore dhe i materieve të tjera ushqyese, si p.sh. i folateve dhe i vitaminës E. /Telegrafi/