Një aksident trafiku ka ndodhur para pak çastesh në magjistralen Prishtinë – Ferizaj. Nga ky aksident kanë humbur jetën dy persona, ndërsa një është e lënduar rëndë. Policia ka dhënë detaje për Gazetën Express rreth këtij rasti.
“Rreth orës 15:00 në rrugën magjistrale Prishtinë –Ferizaj, respektivisht në fshatin Lugagji, komuna e Lipjanit, ka ndodhur një aksident trafiku me pasoja fatale. Nga ky aksident kanë humbur jetën dy persona, ndërsa një është e lënduar rëndë”, thonë nga Policia.
Në aksident kanë qenë të përfshira një autobus dhe tri vetura.
Policia e trafikut ka dalë në vendin e ngjarjes dhe po kryen ekzaminimet e nevojshme si dhe ka nisur një hetim të detajuar lidhur me rrethanat që kanë sjellë deri tek ky aksident tragjik. /GAZETAEXPRESS/
