Këshilli i Sigurimit të Kombeve të Bashkuara dështoi të miratojë një rezolutë të hartuar nga Rusia, me anë të së cilës dënonte sulmin e SHBA-së dhe aleatëve të saj ndaj Republikës Arabe të Sirisë.

Vetëm Rusia, Kina dhe Bolivia votuan në favor të projekt-rezolutës. Tetë vende votuan kundër draftit, ndërsa katër abstenuan, shkruan Reuters, transmeton Indeksonline.

Një rezolutë ka nevojë për nëntë vota për dhe nuk ka veto nga Rusia, Kina, Franca, Britania apo Shtetet e Bashkuara për të kaluar.

Ndryshe, Shtetet e Bashkuara me ndihmën e Francës dhe Britanisë së Madhe ka sulmuar qendrën e prodhimit të armëve kimike në Siri të Bashar Al Assadit.