Në Shkollën Fillore e Mesme e Ulët ” Nezë Bujani” Bujan- Lipjan  ka ndodhur diçka e pa zakontë, dikush atje ka hequr pishat që ishin mbjellur në oborrin e shkollës.

Të paktën kështu bëhet e ditur në një postim në facebook-un zyrtar të kësaj shkolle.

Kjo është konfirmuar edhe nga Drejtori i kësaj shkolle Astrit Buja.

“Shkolla, tempulli i dijes, ku fatmirësisht shumica e kuptojnë rëndësinë e shkollës, por FATËKEQËSISHT janë disa individë të pacipë e injorantë që nuk ua dojnë të mirën e vendit e as të fëmijëve të tyre”, thuhet në reagim.

“Nuk është hera e parë që objekti shkollor dëmtohet nga këta “njerëz”, ku saktësisht me datë 07 mars është thyer dera e shkollës, kurse sot u dëmtuan pishat..POR NESËR NUK E DI SE ÇFARË DO TË BËJNË?”, thuhet tutje.

“Një gjë nuk po e kanë të qartë se shkolla NUK ËSHTË PRONË PRIVATE! SHKOLLA ËSHTË E TË GJITHËVE, E FËMIJËVE TANË! Me respekt, drejtori i shkollës z.Astrit Buja!”, përfundon reagimi.