Pavarësisht se mund t’i bëjmë tetë orë gjumë, shumica prej nesh zgjohemi duke u ndjerë të lodhur.

Dhe ndonëse kjo lodhje mund të jetë si pasojë e shumë faktorëve, një nga shkaktarët kryesor mund të jetë pozita në të cilën flini, transmeton Telegrafi.

Në fakt, mënyra se si flini mund të ndikojë shumë edhe në dhimbjet e shpinës, qarkullimin e dobët të gjakut, madje edhe t’i shkaktojë ankthet.

Por, cila është pozita më e mirë për të fjetur?

Epo, siç thonë ekspertët, më së miri është të flini të shtrirë në shpinë sepse kësisoj ia mundësoni kokës, qafës dhe shpinës të qëndrojnë në pozicion neutral.

Vlen të ceket se gjumi është pjesa më e rëndësishme e ditës, dhe gjumi kualitativ ndikon në një shëndet më të mirë dhe produktivitet më të lartë. /Telegrafi/