Derisa ishte premtuar se do të ndërtohej një rrethrrotullim, ai përfundoj si udhëkryq. Është fjala për një pjesë që lidhet nga Lipjani në magjistralen Prishtinë – Ferizaj.

Burim Ukshini nga Lipjani pret çdo ditë më u lidhë me magjistralen Prishtinë – Ferizaj, por kjo nuk është brenga e tij e vetme.

“Kur do të përfundoj rrethrrotullimi nuk e di. Veturat po prishen dhe ne po kemi problem sepse aksidente po ka vazhdimisht”, ka theksuar ai.

Ky udhëkryq po u shkakton problem banorëve të Lipjanit dhe Janjevës, sepse ata duhet të presin të lidhen me magjistralen Prishtinë – Ferizaj.

RTV Dukagjini ka pritur tërë ditën përgjgije lidhur me planin e Ministrisë së Infrastrukturës (MI), por ministria nuk ka dhënë përgjigje, e kalimtarët deri te rregullimi i këtij problemi duhet të kenë kujdes të shtuar. /Telegrafi/