Shtetet e Bashkuara të Amerikës nuk kanë pasur ende kontakte të drejtpërdrejta me udhëheqësit koreano-veriorë për çështjen e samitit të planifikuar të liderëve të dy vendeve për programin bërthamor të Phenianit, por mbetet në pritje, deklaroi sot në Abuxha sekretari amerikan i Shtetit, Rex Tillerson.
”Nuk kemi patur një përgjigje të drejtpërdrejtë nga ana e Koresë së Veriut megjithëse ne mbetemi në pritje”, tha ai për median vendase gjatë vizitës në Nigeri, ndalesa e fundit në turneun e tij në Afrikë.
Njoftimi i këtij samiti është një zhvillim i fundit, ku do të ketë disa faza që do të nevojiten për të rënë dakort për vendin dhe qëllimin e këtyre diskutimeve, përcjell Atsh.
Ende nuk është rënë dakort për vendin e diskutimeve, pas njoftimit të samitit historik midis presidentit amerikan, Donald Trump dhe liderit koreano-verior, Kim Jong Un
