ISIS ka kërcënuar se në një të ardhme të afërt do të pushtojnë Parisin, përmes një video që tregon një sulm mbi Kullën Eiffel, transmeton Gazeta Express.
Parisi nga luftëtarët e grupit islamik cilësohet si “kryeqytet i degjenerimit”. Xhihadistët paralajmërojnë për një rrethim që do të ndodhë nga ta në këtë vend.
Terroristët shihen të mbledhur në grupe në një fshat jashtë Parisit, ku njësia e këmbësorisë së kalafatit qëndron në pritje duke pritur armiqtë.
Kjo video u lëshua nga grupi pro-ISIS, Al-Abd al-Faqir Media.
Aty shihet edhe një automjet ushtarak francez që ata e identifikojnë si “ushtria e satanit” dhe në anën tjetër ekstremistët që i dalin në pritë.
Sipas PJ Media, xhihadisti thotë: “Pasi ushtria e kalifatit përfundon rrethimin në qytetin e Parisit, Allahu i ka udhëzuar ushtarët e tij që të sulmojnë qytetin nga tunelet nëntoksore dhe të befasojnë përsëri armikun me një sulm të dyfishtë.”
Në videot e mëparshme të cilat ata i kanë lëshuar ishin paralajmëruar sulme në Shtëpinë e Bardhë dhe Big Ben.
PJ Media raporton se ky ishte episodi i katërt i serisë së “pushtimit” të këtij grupi mediak./Express/
