Sekretari i Organizatës së Veteranëve të Luftës së UÇK-së, Faton Klinaku, i ka bërë thirrje Prokurorisë së Shtetit t’i nisë hetimet ndaj manipulimeve me rastin e regjistrimit të disa studentëve në Fakultetin e Mjekësisë.
Këto manipulime, sipas tij janë kryer nga njerëzit e rektorit të UP-së “Hasan Prishtina”, Ramadan Zejnullahu.
Por, rektori Ramadan Zejnullahu e ka mohuar një gjë të tillë, duke thënë se do të zbulohen rrjetet që e dëmtuan rëndë këtë institucion.
Zejnullahu ka thënë për “Epokën e re” se individët shpërdorues nuk duhet të kursehen asnjëherë, pavarësisht pozitës që kanë.
