Për takimin me PRONARËT E BANESAVE KOLEKTIVE (ndërtesave të banimit në bashkëpronësi) Komuna e Lipjanit ka rikujtuar të marrin pjesë në takimin e përbashkët me ç’rast do të prezantohet projekti “Krijimi i Shoqatave të Pronarëve (SHP-ve) të Ndërtesave të banimit në bashkëpronësi”.

Ky projekt është i financuar nga Banka Botërore përmes Ministrisë së Zhvillimit Ekonomik (MZHE) dhe Ministrisë së Mjedisit dhe Planifikimit Hapësinor (MMPH) dhe zhvillohet në bashkëpunim të ngushtë me komunën e Lipjanit.

Për informimin më të mirë të këtij projekti ftoheni të merrni pjesë në takimin informues që do të mbahet sot me datën 21 Nëntor 2017 (e marte), prej orës 10:00 në sallën e Kuvendit Komunal të komunës së Lipjanit.