Kamerat e sigurisë brenda një banke kanë filmuar momentin, kur një pjesëtarë i sigurimit të bankës me çdo kusht mundohet të ndalë plaçkitësin me para në thes që i kishte vjedhur nga bankomati, edhe pse e godet disa herë me çekan në kokë.

Pjesëtari i sigurimit këmbëzbathur orvatet me sulmuesin i cili pandërprerë e godet me çekan në kokë, transmeton Telegrafi.

Por, këmbëngulja e sigurimit i vështirëson punën plaçkitësit i cili mezi arrin të ikë nga vendi i ngjarjes.

Ngjarja e tmerrshme raportohet të ketë ndodhur në Bankën Maharashtra në Goa në pjesën perëndimore të Indisë.

Nuk dihet gjendja shëndetësore e pjesëtarit të sigurisë së bankës, e as shuma e parave të vjedhura nga bankomati.

Ndërkaq, pamjet e sulmit i ka publikuar policia e cila kërkon ndihmë nga qytetarët për identifikimin e plaçkitësit. /Telegrafi/