Shefi i Agjencisë Ndërkombëtare për Energji Bërthamore (ANEB), Yukia Amano, do të takojë udhëheqësit iranianë këtë fundjavë, për të diskutuar zbatimin e marrëveshjes bërthamore midis Teheranit dhe gjashtë fuqive botërore.

Me marrëveshjen e vitit 2015, Republika Islamike është dakorduar të frenojë programin e saj bërthamor në këmbim të lehtësimit të sanksioneve ndërkombëtare.

Agjencitë e lajmeve në Teheran thanë se Amano do të takojë nënpresidentin e Iranit, Ali Akbar Salehi, i cili mbikëqyr aktivitetet bërthamore të këtij vendi.

Vizita e Amanos në Iran vjen në kohën kur presidenti i Shteteve të Bashkuara, Donald Trump, ka paralajmëruar se mund të tërhiqet nga marrëveshja, duke thënë se ajo nuk është e mjaftueshme për të parandaluar Iranin nga zhvillimi i armëve bërthamore. /Rel/