Rusia e ka përdorur sot veton kundër rezolutës së OKB-së, sponsorizuar nga SHBA-ja, për zgjatjen e punimeve të inspektorëve për gjetjen e përgjegjësve të sulmeve me armë kimike në Siri.
Moska e ka akuzuar Uashingtonin se e ka vënë në votim rezolutën vetëm për t’u shfaqur për ta çnderuar Rusinë, transmeton Express.
Ambasadori rus në OKB, Vassily Nebenzia, tentoi ta shtynte votimin deri në muajin e ardhshëm, por pa sukses, pasi organi i përbashkët i përbërë nga hetues nga OKB-ja dhe mbikëqyrësi i armëve kimike do ta publikojnë një raport më 26 tetor.
Rezoluta mori 11 vota në favor, 2 kundër – nga Rusia dhe Bolivia – dhe 2 abstenime.
Nebenzia ka thënë se Rusia e ka kritikuar Mekanizmin për Hetim të Përbashkët, por nuk dëshiron që ai të suspendohet përgjithmonë.
Rusia dëshiron që ky mekanizëm të bëjë ndryshime në mandatin e tij.
