Në një marifet të mbushur me adrenalinë, 245 persona kanë kërcyer me konop nga një urë në Brazil.
Të lidhur me rripa të sigurisë në gjoks, 245 burra dhe gra u lëshuan njëherazi nga ura e lartë 30 metra dhe u luhaten sikur lavjerrës në tentim për ta thyer rekordin botëror në Hortolandia, afër Sao Paulos, transmeton Express.
Edhe pse ende nuk është njohur nga Libri Botëror i Genisit, ky grup jo zyrtarisht e ka thyer rekordin aktual të një kërcimi që kishte përfshirë 149 persona në prill të vitit 2016.
Rekordi i kaluar ishte vënë po në të njëjtin vend.
/Express/
