Ajo që i dallon antibiotikët nga barnat e tjera është fakti se ato janë barnat e vetme të cilat, kur i jepen pacientit, kanë efekt në tërë bashkësinë, sepse mikroflorën e tonë vazhdimisht e këmbejmë me të tjerët.

Disa antibiotikë (tetraciklina, fluorokinolona, disa peniciline) nuk bën të merren bashkë me qumështin, me prodhimet e qumështit, me preparatet apo barnat që përmbajnë hekur, kalcium, magnez dhe alumin (alumini dhe magnezi janë përbërës të disa barnave antacide për neutralizimin e thartirës së lukthit).

Duhet bërë një pauzë prej së paku 2 orësh midis aplikimit të tyre reciprok, transmeton Telegrafi.

Ekzistojnë shënimet që antibiotikët (ampicilina dhe tetraciklina) zvogëlojnë efektin e kontraceptivëve oralë, andaj në kohën e marrjes së këtyre antibiotikëve, si edhe 7 ditë pas përfundimit të terapisë, rekomandohet të përdoren metodat plotësuese të mbrojtjes nga shtatzënia.