Burri që vrau me thikë dy gra pranë stacionit kryesor të trenit në Marsejë të Francës ishte paraburgosur për plaçkitje në një dyqan dhe liruar vetëm një ditë para sulmit, si dhe kishte përdorur shumë identitete të rreme në një seri arrestimesh të kaluara, njoftojnë zyrtarët francezë.
Autoritetet franceze janë duke e hetuar telefonin mobil ë të dyshuarit dhe duke punuar për të gjetur nëse ai kishte bashkëpunëtorë apo lidhje të drejtpërdrejta me Shtetin Islamik (ISIS), i cili mori përgjegjësinë për sulmin, transmeton Express.
Sulmuesi u vra nga ushtarët francezë menjëherë pas sulmit.
I dyshuari u identifikua nga shenjat e gishtave, të cilat u përputhen me ato gjatë arrestimeve të fundit, sipas dy oficerëve të policisë, raporton AP.
Ai nuk ndodhej në listën e ekstremistëve të Francës, sipas zyrtarëve.
Ai nuk kishte dokumente franceze qëndrimi dhe u arrestua nën dyshimin për plaçkitjen e një dyqani në Lyon të shtunën në mbrëmje, para se të lirohej, sipas policisë franceze. /Express/
