Amerika kohët e fundit është tronditur nga disa uragane, që kanë lënë të vdekur shumë persona, dhe kanë shkaktuar shumë dëme materiale.
Shumë persona janë angazhuar që të punojnë vullnetarisht dhe të ndihmojnë të prekurit nga uragani Harvey.
Në mesin e tyre kishte edhe shumë shqiptarë. Dy nga ta janë Gëzim dhe Raz Halili nga Vushtrria, raporton “Klan Kosova”. Ata ishin edhe në fokusin e mediave botërore.
Ata u bënë të njohur për guximin që patën për t’iu dal në ndihmë njerëzve gjatë uraganit Harvey, derisa janë shprehur të lumtur që sapo pak kanë arritur të ndihmojnë popullin amerikan, pasi kanë dhënë kontribut të madh në Kosovë, përcjell albinfo.ch.
