Vullkani Campi Flegrei nuk ka shpërthyer që nga viti 1538, por ekspertët kanë paralajmëruar se mund të ndodhemi përpara një shpërthimi shkatërrues.
Shkencëtarët kanë gjetur dëshminë e parë të drejtpërdrejta të një ‘zone të nxehtë’ që ushqen supervullkanin.
Ndërsa ekspertët nuk janë të sigurt se çfarë do të thotë kjo në aspektin e shkallës së një shpërthimi të ardhshëm, ata thonë se nuk ka dyshim se vullkani po bëhet gjithnjë e më i rrezikshëm.
Campi Flegrei është afër Napolit dhe ka qenë relativisht i qetë që nga vitet 1980, transmeton oranews.
Hulumtuesit nga Universiteti i Aberdeenit tani kanë identifikuar vendndodhjen e zonës ku dalin materialet e nxehta.
Hulumtimi siguron një pikë referimi që mund të ndihmojë në parashikimin se si dhe kur do të mund të ndodhë shpërthimi i ardhshëm.
Ndërsa implikimet e kësaj nuk janë kuptuar ende plotësisht, sasia relativisht e ulët e aktivitetit sizmik në zonë që nga vitet 1980 sugjeron se presioni po krijohet brenda, duke e bërë atë të rrezikshëm.
