Policia finlandeze ka thënë sot se i ka arrestuar edhe dy të dyshuar të tjerë në lidhje me sulmin me thikë të javën se kaluar në Turku, ku u vranë dy gra dhe u plagosen tetë persona të tjerë.
Policia e ka ndaluar më parë të dyshuarin kryesor, marokenit azil kërkues në Finlandë, si dhe tre burra tjerë marokenë në lidhje me sulmin e të premtes në qytetin Turku. Ndërsa, një urdhër arrest ndërkombëtar është lëshuar për të dyshuarin e pestë, transmeton Express.
Ky incident është trajtuar si sulmi i parë i dyshuar militant islamik i Finlandës.
Dy të dyshuarit e rinj kanë dëshmi të ndryshme para autoritetet finlandeze dhe suedeze, herë duke thënë se i pari vinte nga Algjeria dhe i dyti nga Maroku. I dyshuari kryesor është identifikuar si Abderrahman Mechkah, 18-vjear nga Maroku.
Por, policia ka thënë se identiteti i tij ka mundësi të jetë i rremë.
