Presidenti i Afganistanit, Ashraf Ghani, e ka përshëndetur vendimin e presidentit amerikan, Donald Trump, për t’i mbajtur trupat amerikane në Afganistan për të luftuar kundër kryengritësve talibanë.
Ghani e falënderoi SHBA-në për përkrahje në luftën e përbashkët kundër kërcënimit të terrorizmit, transmeton Express.
Donald Trump ka vendosur t’i mbajë trupat amerikane në konfliktin e hapur në Afganistan, përkundër faktit se më parë kishte thënë se do t’i tërhiqte.
Trump e shpalosi mbrëmë planin për Afganistanin duke dhënë disa detaje, por e veçoi Pakistanin duke e kritikuar se po iu ofron strehim ekstremistëve.
Zyrtarët pakistanezë i kanë hedhur poshtë pohimet e tij.
Ndërkohë, talibanët kanë paralajmëruar se Afganistani do të bëhet edhe një varrezë tjetër për SHBA-në nëse kjo e fundit s’i tërheq trupat./Express/
