Një zyrtar i lartë kurd kundër-terrorizmit ka thënë sot se është 99 përqind i sigurt se lideri i Shtetit Islamik Abu Bakr al-Baghdadi është gjallë dhe ndodhet në jug të qytetit sirian ‘Raqqa’, pas njoftimeve të bëra ditë më parë se ai ishte vrarë.
“Baghdadi është gjallë, ai nuk është i vdekur. Ne kemi informacione se ai është i gjallë. Ne besojmë 99 përqind se ai është i gjallë”, ka thënë Lahur Talabany për Reuters, transmeton Indeksonline.
“Mos harroni se rrënjët e tij janë kthyer në ditët e al Kaidës në Irak. Ai ishte fshehur nga shërbimet e sigursë, ai e di mirë se çfarë është duke bërë”, ka shtuar ai.
