Kompanisë “Pastrimi” iu zunë dyert mëngjesin e së hënës.

Në fakt qysh në orën 6.30 disa banorë të Lipjanit bllokuan hyrjen e saj duke mos lënë punëtorët të fillojnë punën.

Këta janë të pakënaqur me vendndodhjen e deponisë transferuese e cila gjendet në oborrin e kompanisë fare pranë objekteve të banimit, njofton Klan Kosova.

Në protestë dolën edhe banorët serb të kësaj ane.

 Zyrtarët komunal për shkak të obligimeve nuk u dolën përpara qytetarëve, e këta të fundit u shpërndan, duke u zotuar se do të protestojnë prapë deri në arritje të qëllimit.

Kronikë nga Enis Reçica.