Turqia ka njoftuar se do të bashkëpunojë me Francën dhe Italinë për zhvillimin e një projekti të sistemit kombëtar të mbrojtjes raketore.
Ministri i Mbrojtjes i Turqisë, Fikri Isik, ka thënë sot se fokusi i tyre është që të zhvillojnë sisteme të mbrojtjes në vend se t’i blejnë ato, transmeton Express.
“Ne do t’i plotësojmë kërkesat tona të menjëhershme duke blerë sisteme ‘S-400’, si dhe do t’i zhvillojmë sistemet tona kombëtare të mbrojtjes ajrore dhe raketore,” ka thënë Isik për televizionin shtetëror turk, TRT Haber.
