Vetëvendosje distancohet nga ofendimet e kandidatit të saj ndaj myslimanëve

PUBLIKUAR

Lëvizja Vetëvendosje ka thënë se distancohet nga qëndrimi i kandidatit për deputet nga kjo parti, Sadri Ramabaj, i cili përmes një postimi në Facebook, ka fyer dhe ofenduar sot besimtarët myslimanë të Kosovës.

Ramabaja, i cili vie nga rajoni i Anamoravës, e ka quajtur “ngjarje antihistorike” organizimin e një iftari të besimtarëve myslimanë në rrugët e qytetit të Kamenicës.

“Ky është postimi në youtube i njërës prej ngjarjeve më antihistorike, që këto ditë prodhoi një grusht haxhiqamilësh të Anamoravës time në Dardanë”, ka shkruar Ramabaja në Facebook.

Ndërkaq, Vetëvendosje ka thënë se distancohet nga gjuha e përdorur nga Ramabaja ndaj myslimanëve.

“Lëvizja VETËVENDOSJE! distancohet nga gjuha e përdorur dhe qëndrimi i Ramabajës. Shprehim keqardhje për të gjithë ata që janë ndjerë keq nga reagimi i Ramabajës, si dhe mbesim të përkushtuar dhe angazhohemi që liria e besimit të jetë e pacenueshme”, thuhet në njoftimin e VV-së.

Për ofendimet e Ramabajës ndaj myslimanëve të Kamenicës reagoi edhe ish-deputeti dhe lideri i Partisë Fjala, Gëzim Kelmendi.

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...