“Projektligji për ndryshimin dhe plotësimin e  ligjit për substancave psikotrope arriti, dje, në Parlamentin e Serbisë, dhe me këtë është paraparë legalizimi dhe përdorimi i kanabisit për qëllime mjekësore”, shkruan në numrin e sotëm gazeta e Beogradit “Alo”, transmeton shekulli.

Po nga të njëjtat burime të “Alo”-s, mësohet se deputeti i Partisë së Gjelbër, Goran Çabrad, i cili e ka propozuar ligjin, ka deklaruar se qëllimi i projektligji është “mbrojtja e të drejtave themelore të njeriut për të trajtuar të sëmurët në shërim dhe jetë”.

“Në Serbi me kanabis ilegalisht shërohen me dhjetëra e mijëra pacientë. Vënien e tyre në të njëjtin nivel me kriminelët është një krim kundër qytetarëve “, ka thënë Çabrad, për gazetën “Alo”. Nisma “Kanabis”, po arrin në Parlamentin serb, për të marrë dritën jeshile për përdorim të lirë në fushën e shërbimeve mjekësore, në ditën e inaugurimit të presidentit Aleksandër Vuçiç.